Британиялик бизнесмен янглишиб, Лондонга эмас, Лас-Вегасга учиб кетди

Британиялик бизнесмен Сэмюэл Янковски янглишиб, Лондонга эмас, Лас-Вегасга учиб кетди, деб ёзади Daily Mail.

29 ёшли эркак Кёльндаги бизнес-учрашувдан сўнг ўз ватанига — Лондонга қайтиб кетиши керак эди. Унинг сўзларига кўра, Германиянинг Eurowings лоукостери рейси билан учиб кетишидан олдин, авиакомпания ходимлари унинг самолётга чиқиш талонини уч марта текширган.

Шундан сўнг Янковский самолётга ўтириб, ухлаб қолган. Бироз вақтдан сўнг уйғониб, лайнер салонидаги йўналишни акс эттирувчи экранда самолёт АҚШга учаётганини кўрган.

Бизнесменнинг сўзларига кўра, АҚШга етиб келгач, иммиграция хизмати ходимлари уни тинтув қилган ва қўлга олиш билан таҳдид қилган.

Кейинроқ британиялик Eurowings рейси билан Кёльнга қайтиб келган, лоукостер уни Лондонга олиб кетишдан бош тортган. Эркак поездда ва автобусда Штутгартгача бориб, у ердан Лондонга учиб кетишига тўғри келган.

Янковски йўлга уч кун сарфлади, қўшимча харажатлари эса 878 евро бўлди.

Eurowings ҳодиса Германия аэропорти ходимининг хатоси билан юз берганини айтди.