Қозоғистон президенти Нурсултон Назарбоев қозоқ тилининг лотин ёзувига ўтиши республика рус тилини қўллашдан бош тортишини билдирмаслигини айтди, деб ёзади «ТАСС».
«Лотин ёзувига ўтиш рус тилидан, кирилл алифбосидан воз кечамиз, дегани эмас. Қозоғистоннинг рус тилида сўзлашувчи фуқаролари учун чиқариладиган нашрларнинг барчаси ўз ҳолича қолади», — дея таъкидлади Назарбоев.
Эслатиб ўтамиз, апрель ойида Назарбоевнинг «Егемен Казахстан» газетасидаги муаллифлик мақоласида лотин ёзувига ўтиш бўйича тайёргарлик ишлари бошланиши, ҳукумат қозоқ тилини лотин алифбосига ўтказиш графигини тузиши кераклиги ҳақида ёзилганди.
«2018 йилдан янги алифбони ўқитиш учун мутахассислар тайёрлансин ва ўрта мактаб учун дарсликлар чиқарилсин. Яқин икки йилда ташкилий ва услубий ишлар олиб борилиши керак», — деб ёзганди у.
Изоҳ (0)