Пьер Карден Қозоғистон учун махсус либослар тўпламини яратди

1—3 сентябрь кунлари Остонада афсонавий кутюрье Пьер Кардин либослари коллекцияси тарихий кўргазмаси ҳамда «Дориан Грей — Шафқатсиз гўзаллик» операси премьераси бўлиб ўтади, деб ёзади Kazakhstan Today.

ЭКСПО-2017 халқаро ихтисослашган кўргазмаси доирасида уч кун давомида Пьер Карденнинг шахсан ўзи сўнгги тўпламини тақдим этади. Кечки дастурда эса Пьер Кардин ва Родриго Басиликати томонидан замонавий моноопера қўйилади.

120 та либосдан иборат тўпламини Пьер Кардин Қозоғистон ва World Astana Beauty  фестивали иштирокчилари учун махсус яратган. Фестиваль моделлари ва ғолиблари уларни саҳнага кийиб чиқади ва шу тариқа Пьер Карден либослар намойишида қатнашади.

World Astana Beauty фестивали МДҲ мамлакатларидан гўзаллик танловлари ғолиблари, моделлар ва дизайнерларни бир жойга тўплайди.