Сурия ҳукумат кучлари исёнчи жангарилар ташлаб чиққан ҳудудлардаги қурол-яроғ омборларидан АҚШ ва Буюк Британиядан келтирилган заҳарловчи моддаларни топди. Бу ҳақда Сурия ташқи ишлар вазири ўринбосари Файсал Миқдад маълум қилди, дея хабар бермоқда «Газета.ru».
Унинг сўзларига кўра, Алеппо ва Дамашқдан шарқда жойлашган ҳудудлардаги жангариларнинг омборхоналаридан топилган қурол-яроғ қўл гранаталари ва гранатомётлар учун мўлжалланган ўқлар бўлиб, улар CС ва CN заҳарловчи моддалари билан тўйинтирилган.
«Топилган кимёвий ўқ-дорилар... АҚШдаги Федерал Лабораториэс компанияси томонидан ишлаб чиқарилган... Заҳарловчи воситалар эса Буюк Британиядаги Черминг Дефенcе УК ва АҚШдаги НонЛетҳал Technologies ширкатлари томонидан тайёрланган», — деди Миқдад.
Вазир ўринбосарининг қайд этишича, «АҚШ ва Буюк Британия, шунингдек, уларнинг минтақадаги иттифоқчилари, Кимёвий қуролни тақиқлаш тўғрисидаги конвенция талабларига зид равишда, Сурия ҳудудида фаолият олиб бораётган террорчилик ташкилотларига ҳар томонлама кўмак кўрсатмоқда».
Изоҳ (0)