Россия Федерал хавфсизлик хизматининг Новосибирск вилоятидаги чегара бошқармаси мамлакатнинг Сладкое кўлидаги давлат чегараси ўзгармаганлигини маълум қилди. Бу ҳақда «Газета.ru» хабар берди.
«Маҳаллий аҳоли давлат чегараси кўлнинг ўртасидан ўтишига кўникиб қолган ва унинг қирғоғига ов учун боришда давом этаётганди. Бироқ демаркация жараёнида охирги йилларда кўл қаттиқ қуриганлиги сабабли чегара энди айнан унинг қирғоғидан ўтаётгани маълум бўлди. Туман маъмуриятининг кўл яқинида ов қилиб бўлмаслиги ҳақидаги тушунтириши шу билан боғлиқ», — деди бошқарма матбуот хизмати вакили.
ФХХга кўра, шу тариқа Россия Қозоғистонга ҳеч қандай ҳудудни бермаган ва чегара аввал қаердан ўтган бўлса, ўзгаришсиз қолган.
Изоҳ (0)