АҚШда президент Дональд Трампнинг карикатурачи Шеннон Уиллер иллюстрациялари туширилган твитлар тўплами сотувга чиқди. Бу ҳақда «ТАСС» хабар бермоқда.
«Франклин Рузвелтда радио, Жон Кеннедида телевидение бўлганди. Трампда эса Twitter бор. Карикатурачи, Эйзнер мукофоти соҳиби Шеннон Уиллер 140 белгидан иборат ёзувларда фикрини баён этадиган президентни ‘қисмларга’ ажратди», — дейилади тўплам аннотациясида.
Тўплам муаллифи Трампнинг твитлари АҚШ 45-президенти феъл-атворини англаб етишга имкон беради, деб ҳисобламоқда.
«Мен Трампнинг 30 мингдан ортиқ твитини ўқиб чиқдим. 10 мингинчи твитдан сўнг тушларимда босинқирашни бошладим. Ортиқча тафсилотларга берилишни истамасдим, аммо пудингга бўлган иштаҳам буткул йўқолди, Британиянинг шифокорлар ҳаёти ҳақидаги сериалларини кўришни тўхтатдим», — дея киноя қилади Шеннон Уиллер.
Қаттиқ муқовадаги китоб салкам 10 доллардан сотилмоқда, уни Amazon орқали ҳам буюртма қилиш мумкин.
Изоҳ (0)