Сурия ҳукумат қўшинлари десант операцияси ёрдамида бир аҳоли яшаш пунктини ИШИД жангариларидан тортиб олди. Бу ҳақда «ТАСС» хабар бермоқда.
Сурия армияси биринчи марта десант кучлари ёрдамида бундай муваффақиятга эришиши. Операцияни тайёрлаш ва мувофиқлаштиришда россиялик ҳарбий маслаҳатчилар иштирок этди.
Операция 12 августга ўтар кечаси ўтказилди. Унинг натижасида Дайр аз-Заврдан 120 километр ғарброқдаги ал-Кдер шаҳри озод этилди.
Операцияга Суриянинг энг машҳур ҳарбий қўмондонларидан бири — генерал Сухел Ҳасан бошчилик қилди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)