Ливияда мамлакат собиқ бош вазири ўғирлаб кетилди

2012—2014 йилларда Ливия бош вазири лавозимини эгаллаган Али Зейдан 14 август, душанбага ўтар кечаси номаълум шахслар томонидан ўғирлаб кетилди. Бу ҳақда Al Arabiya маълум қилди, дея хабар беради «ТАСС».

Телеканалга кўра, қуролли кишилар гуруҳи шаҳар марказидаги меҳмонхонага бостириб кириб, сиёсатчини қўлга олган ва номаълум тарафга олиб кетган.

Afrigate News портали собиқ бош вазирни «Триполи инқилобчилари бригадалари» вакиллари ўғирлаб кетганини билдирмоқда. Мазкур тузилма президент кенгаши ва Фаиз Сараж бошчилигидаги миллий келишув ҳукуматига бўйсунади.

Маълумот учун, Зейдан 2013 йилда ҳам ўғирлаб кетилган ва ҳодисадан бир неча соат ўтиб, қўйиб юборилганди.