ФИФА ташкилотга аъзо миллий терма жамоаларнинг янгиланган рейтингини эълон қилди. Унга кўра, Ўзбекистон миллий терма жамоаси 579 очко билан 64-ўринни эгаллади, дея хабар бермоқда ЎФФ.
Терма жамоа аввалги кўрсаткичга нисбатан бир ўринга кўтарилди. Осиё футбол конфедерацияси (ОФК)га аъзо мамлакатлар орасида Ўзбекистон термаси ҳамон 6-ўринни эгаллаб турибди.
Эрон терма жамоаси 893 очко билан Осиёда пешқадамлик қилмоқда. Япония терма жамоаси (696 очко) минтақада иккинчи ўринга чиқиб олди. Кучли учликка Австралия термаси (691) якун ясади.
Умумий рейтингда Бразилия терма жамоаси 1604 очко билан яна пешқадамга айланди. Германия 1549 очко билан иккинчи ўриндан жой олган. Кучли учликни Аргентина термаси (1399 очко) тўлдирган.
Изоҳ (0)