Ўтган ҳафтанинг охирида иш бошлаган Венесуэла Конституциявий ассамблеяси (КА) мамлакатдаги ҳукуматнинг бирорта тармоғи улар томонидан қабул қилинган қарорларга тўсқинлик қила олмаслигини маълум қилди. El Universal газетасининг маълум қилишича, тегишли қарор 8 август, сешанба куни бўлиб ўтган йиғилишда тасдиқланган, деб хабар берди «ТАСС».
Қарорнинг батафсил қисмлари ҳозирча эълон қилинмади. Шунингдек, Конституциявий ассамблея ҳақиқат, адолат ва тинчлик ўрнатувчи Комиссияни яратиш ҳақида қонун қабул қилди. «Ушбу қонун — зўровонлик, нафрат ва муросазиликни йўқ қилишнинг кучли воситаси», — дея газета Конституциявий ассамблея раиси, собиқ ташқи ишлар вазири Дельси Родригеснинг сўзларидан парча келтиради.
30 июлдаги сайлов натижаларига кўра ташкил этилган КА халқаро ҳамжамият томонидан норозиликка учради. Лотин Америкасининг бир қатор мамлакатлари сайлов жараёни натижаларини тан олмади. АҚШ КА сайловларини «бутун яримшардаги демократия учун зарба» дея атади ва Венесуэла президенти Николас Мадурога нисбатлан санкцияларни жорий этди.
Изоҳ (0)