АҚШ Ҳарбий-денгиз кучларига тегишли F-5Н қирувчиси 9 август, чоршанба куни Флорида штатининг қирғоқлари яқинига қулаб тушган. Учувчи катапульта ёрдамида сакраб қолишга улгурган ва АҚШ Соҳил хавфсизлиги хизмати томонидан қутқариб олинган. Бу ҳақда идоранинг баёнотига таяниб, «ТАСС» хабар берди.
Маълумотларига кўра, нохуш ҳодиса Американинг Ки-Уэст шаҳридан тахминан 40 километр жануби-шарқда, АҚШ Ҳарбий-денгиз кучларининг аэродроми жойлашган ҳудудда содир бўлган. Баёнотда айтилишича, қирувчининг учувчиси сувда эканлиги ҳақидаги маълумот етиб келиши билан Соҳил хавфсизлик хизмати уни қутқариш учун вертолёт юборган. У айни вақтда ҳарбий шифохонага ётқизилган, ҳеч қандай жиддий жароҳат етмаган.
АҚШ Ҳарбий-денгиз кучлари берган хабарга кўра, қирувчи самолёт ўқув машғулотини ўтказаётган вақтда океанга қулаган. Нохуш ҳодисага нима сабаб бўлгани юзасидан тергов бошланган.
Изоҳ (0)