Эндиликда Airbnb сайти орқали АҚШ президенти Дональд Трампнинг ёшлиги ўтган Нью-Йоркдаги уйни ижарага олиш мумкин, деб хабар берди «Forum Daily».
1940 йилда Тюдорлар услубида қурилган Квинсдаги уйда бир кечани ўтказиш 725 доллар туради. Уйда бешта ётоқхона бўлиб унга 17 нафаргача одам сиғичи мумкин.
Меҳмонхонада Трампнинг бюсти жойлашган. Хабарда айтилишича, у «тунда Fox News’ни томоша қилишда ажойиб ҳамроҳ» бўлиши мумкин.
Бу ерда чекиш, уй ҳайвонларини олиб келиш ва турли кечалар ўтказиш тақиқланади.
Newsday’нинг маълум қилишича, Paramount Reality USA директори Миша Хагани эълоннинг ҳақиқийлигини тасдиқлаган. Paramount уйни исмини ошкор этишни истамаган шахсга март ойида 2,14 миллион долларга сотган эди.
Изоҳ (0)