Қатарнинг Al Jazeera телеканали раҳбарияти Исроил ҳукуматининг канални маҳаллий бюросини ёпиш тўғрисидаги қарорини «нодемократик» дея атаб, танқид қилди. Бу ҳақда AP агентлигига таяниб, «Интерфакс» хабар берди.
Агентлик маълумотларига кўра, эндиликда телеканал Исроил ҳукумати билан суд ишини олиб бориш ниятида.
Аввалроқ, Исроил коммуникация вазирлиги Al Jazeera журналистларини аккредитация чақирувини эълон қилганди, бу эса уларни мамлакат ҳудудида ишлаш имкониятига чек қўяди.
Саудия Арабистони, БАА, Баҳрайн ва Миср июнь ойининг бошида Қатар билан дипломатик алоқларини узган ва уни терроризмни қўллаб-қувватлаш ҳамда ўзларининг ички ишларига аралашишда айблаган эди. Кейинчалик бу қарорга бошқа давлатлар ҳам келиб қўшилди.
Қатарга қўйилган ултиматумда мамлакат Эрон билан дипломатик ва ҳарбий алоқалари даражасини пасайтириши, террорчилик гуруҳларига молиявий жиҳатдан ёрдам кўрсатишни тўхтатиши, араб давлатларининг ички ишларига аралашишни тўхтатишлари, Al Jazeera телеканалини ёпиши кераклиги талаб қилинган.
Изоҳ (0)