КХДР ташқи ишлар вазири Ли Ён Хо жанубий кореялик ҳамкасби Кан Гён Хванинг икки мамлакат ўртасидаги мулоқотни қайта тиклаш ҳақидаги таклифини тўлиқ равишда рад этмади. Бундай фикрни Хитой Халқ Республикаси ташқи ишлар вазири Ван И Маниладаги AСЕАН тадбирлари доирасида билдириб ўтди, деб ёзади «ТАСС».
«Умид қиламизки, бу мамлакатлар икки томонлама алоқаларни яхшилай олади. Бунинг устига, КХДР ташқи ишлар вазири жанубий кореялик ҳамкасбининг таклифини тўлиқ равишда рад этмади», — деди Ван И Шимолий Корея ва Жанубий Корея делегациялари музокараларини изоҳлар экан.
Аввалроқ КХДР ташқи ишлар вазири Ли Ён Хо Манилада жанубий кореялик ҳамкасби Кан Гён Хва билан учрашиб, Сеулнинг икки мамлакат муносабатларини йўлга қўйиш бўйича таклифларини рад этгани хабар берилган эди.
Изоҳ (0)