Грузиянинг собиқ президенти ва Украинадаги Одессия вилоятининг собиқ губернатори Михаил Саакашвилига тўртта жиноий иш бўйича 11 йиллик озодликдан маҳрум қилиш жазоси хавф солмоқда. У яқинда Украина фуқаролигидан маҳрум этилган эди. Бу ҳақда «Газета.ru» хабар бермоқда.
Саакашвилига қўйилган айблар орасида банк ходими Сандро Гиргвилианини ўлдириш, давлат маблағларини шахсий эҳтиёжлари учун ишлатиб юбориш, Грузия парламенти депутати Валерий Гелашвилини дўппослаш ва собиқ президентни танқид қилган «Имеди» телекомпаниясини эгаллаб олиш бор.
Аввалроқ Саакашвилининг ҳужжатларсиз Варшавага етиб келгани ҳақида хабар берилган эди.
Изоҳ (0)