2 август куни Ўзбекистон Президенти Шавкат Мирзиёев раислигида 11 йиллик ўрта таълим тизимини жорий этиш масалаларига бағишланган видеоселектор йиғилиши бўлиб ўтди.
ЎзАнинг қайд этишича, йиғилишда шу кунгача касб-ҳунар коллежларида фаолият кўрсатган, дарс соатлари ҳажми камайган ўқитувчиларни иш билан таъминлаш масаласига ҳам алоҳида эътибор қаратилган.
«Ўзбекистон 24» телеканалининг хабарига кўра, Шавкат Мирзиёев коллежлардан бўшаган ўқитувчилар 100 фоиз билан иш билан таъминланишини айтиб ўтган.
Ҳамма билсин — коллеждан бўшаган ўқитувчиларнинг бари 100 фоиз иш билан таъминланади. Мактабга бормаса, бошқа жойга ишга оламиз.Ўқитувчиларни норози қилманглар. Улар бизга керак.
Шавкат Мирзиёев, Ўзбекистон Президенти
Маълумот учун, йиғилишда 20 августга қадар Ўзбекистон мактабларида 10-синфларни шакллантириш ҳақида кўрсатма берилган.
Изоҳ (0)