Режиссёр Зулфиқор Мусоқовнинг «Абдуллажон» фильмидаги Абдуллажон роли орқали мухлисларга яхши таниш актёр Шуҳрат Қаюмов яна бир ўзбек фильмида суратга тушмоқда, деб хабар берди Uz24.
Фильм ижодкорларининг маълум қилишича, мазкур янги картина «Темур» деб номланган бўлиб, у жангари жанрда.
Фильмда бош ролларни Алихан тахаллуси билан танилган Нурмуҳаммад Ҳусниддинов ҳамда Элёр Маҳкамовлар гавдалантирмоқда. Шунингдек, картинага ўзбек актёрларидан ташқари Голливуд ҳамда қозоғистонлик актёрлар ҳам жалб этилгани айтилмоқда.
Фильмнинг дастлабки суратга олиш ишлари шу йилнинг ёз ойи ўрталарида Жиззах вилоятида бошланган. Фильм режиссёри Айюб Шаҳобиддинов.
Маълумот учун, «Абдуллажон» фильми 1992 йилда экранларга чиққан. Унда Абдуллажонни таниқли оператор Малик Қаюмовнинг набираси Шуҳрат Қаюмов ижро этган. Актёр бугунги кунда оператор сифатида фаолият олиб бормоқда.
Изоҳ (0)