«Тахтлар ўйини» сериалидаги Қайноқ Бўғирсоқ (Hot Pie) роли билан танилган британиялик актёр Бен Хоуки Деливероо сервиси билан ҳамкорлида Лондонда новвойхона очди, деб хабар берди TJournal.
Новвойхонанинг номи You Know Nothing, Jon Dough (Жон Доу, сен ҳеч нимани билмайсан). Dough инглиз тилида «хамир» дегани.
Янги новвойхонанинг менюсида ҳозирча апелсин пўстлоғили маккажўхори нони («нон бўри») мавжуд. Старклар хонадонининг рамзи пазандачилик маҳсулотлари учун шунчаки танланмаган. Сериалнинг учинчи мавсумида Қайноқ Бўғирсоқ новвойхонага ишга киради ва Ариа билан хайрлашаётганида унга бўри кўринишидаги нон совға қилади.
Сериалнинг тўртинчи мавсумида эса Қайноқ Бўғирсоқ Брианнага янаям чиройли қилиб пиширилган «нон бўри»ни бериб уни Ариага топширишини сўрайди.
Entertainment Weekly нашри билан суҳбатлашган Хоукининг тан олишича, уни кўча-кўйда камдан-кам ҳолларда таниб қолишади. Бироқ маҳсулотларининг бу қадар тез сотилиши Хоукини машҳурлиги ҳақида ўйлаб кўришга ундамоқда.
Изоҳ (0)