Rejissor Zulfiqor Musoqovning “Abdullajon” filmidagi Abdullajon roli orqali muxlislarga yaxshi tanish aktyor Shuhrat Qayumov yana bir o‘zbek filmida suratga tushmoqda, deb xabar berdi Uz24.
Film ijodkorlarining ma’lum qilishicha, mazkur yangi kartina “Temur” deb nomlangan bo‘lib, u jangari janrda.
Filmda bosh rollarni Alixan taxallusi bilan tanilgan Nurmuhammad Husniddinov hamda Elyor Mahkamovlar gavdalantirmoqda. Shuningdek, kartinaga o‘zbek aktyorlaridan tashqari Gollivud hamda qozog‘istonlik aktyorlar ham jalb etilgani aytilmoqda.
Filmning dastlabki suratga olish ishlari shu yilning yoz oyi o‘rtalarida Jizzax viloyatida boshlangan. Film rejissori Ayyub Shahobiddinov.
Ma’lumot uchun, “Abdullajon” filmi 1992-yilda ekranlarga chiqqan. Unda Abdullajonni taniqli operator Malik Qayumovning nabirasi Shuhrat Qayumov ijro etgan. Aktyor bugungi kunda operator sifatida faoliyat olib bormoqda.
Izoh (0)