Хакерлар НВО кабел канали ички тармоғига кириб, «Тахтлар ўйини» сериалининг бўлажак эпизоди сценарийсини ўғирлади. Бу ҳақда «РИА Новости» хабар бермоқда.
Entertainment Weekly порталига кўра, келгуси ҳафтада намойиш этилиши мўлжалланган сценарийдан ташқари, хакерлар Ballersand ва Room 104 телешоусининг бир неча сериясини ҳам оммага ошкор қилди.
Улар 1,5 терабайт ҳажмдаги материалларга эга эканлигини даъво қилмоқда.
НВО ўғрилик юз берганини тасдиқлади ва бу юзасидан ҳуқуқ-тартибот идораларига мурожаат этилганини билдирди.
Изоҳ (0)