«Тахтлар ўйини» фильмидаги Жейм Ланнистер роли билан машҳур бўлган даниялик актёр Николай Костер-Валдау ўзининг собиқ агенти Жилл Литтманни судга берди. Бу ҳақда TMZ хабар қилмоқда.
Актёрнинг сўзларига кўра, менежер уни алдаб, шартномалар имзолашга мажбур қилган. Imzoланган шартномаларга кўра, актёр менежерга «Тахтлар ўйини»нинг тасвирга олиш жараёнлари якунлангунига қадар ўз гонорарининг 10 фоизини тўлаши керак.
Костер-Валдаунинг айтишича, улар Литтман блан хизматлар тўлови борасида оғзаки келишган ва у қоғозда шартнома тузмоқчи бўлмаган. Бироқ агент шартнома АҚШ учун ишчи визани расмийлаштиришга керак бўлиши билан алдаб, уни шартномани имзолашга мажбурлаган.
Ўз навбатида, Литтман актёр сериал якунлангунига қадар тўлов қилишга ваъда берганини айтмоқда.
Изоҳ (0)