Ўзбекистон Ёшлар иттифоқи Наманган шаҳар кенгашининг кенгайтирилган йиғилишида янги раҳбар сайланди. Бу ҳақда «Дарё» мухбири хабар берди.
Шу пайтга қадар Наманган вилоят матбуот ва ахборот бошқармаси бўлим бошлиғи бўлиб ишлаб келган Анвар Икромов ушбу лавозимга муносиб кўрилди.
Анвар Икромов 1983 йилда Наманган шаҳрида туғилган. 2006 йили Наманган муҳандислик-педагогика институтини тамомлаган. Меҳнат фаолиятини 2001 йилда бошлаган, асосан ОАВда фаолият юритиб келган.
Йиғилишда иштирок этган Наманган шаҳар ҳокими Шавкатжон Абдураззақовга кўра, аҳоли нуфуси жиҳатидан Ўзбекистонда Тошкент шаҳридан кейин иккинчи ўринда турадиган вилоят маркази аҳолисининг тенг ярмини ёшлар ташкил этади. Бу эса Наманган шаҳар кенгаши ва унинг янги раҳбарига катта масъулият юклайди.
Тадбирда Ўзбекистон ёшлар иттифоқи вилоят кенгаши раиси Илёс Раҳимов қатнашди ва сўзга чиқди.
Изоҳ (0)