Ҳар қандай одамни ишонтиришнинг 4 йўли

Бу усуллар ҳатто энг ўжар суҳбатдошни ҳам жалб қилишга ёрдам беради.

1. Ўзингизни такаббурона эмас, балки муносиб равишда тутишга ҳаракат қилинг

Ёқимли ташқи кўриниш яхши таассурот уйғотади, лекин бу ёмон хизмат қилиши ҳам мумкин. Хавфлилиги шундаки, бошқалардан кўра яхшироқ кийинган одам ўзини кучли ҳис қилади ва кўпинча ўзини такаббурона тута бошлайди. Бу эса одамларнинг ихлосини қайтаради.

Ишонтирмоқчи бўлган одамингизнинг «йўқ» дейишга ҳақи борлигини унутманг. Шунинг учун яхши кўринишга ҳаракат қилинг, лекин бошқалардан кўра яхшироқ эмас.

2. Келажакни мўлжалланг

Биринчидан, «Биз қилмоқчимиз» ёки «Биз буни қиламиз» каби иборалар одамларнинг миясига бу ҳақиқатан ҳам юз беради деган ғояни сингдиради. Иккинчидан, сизнинг келажакдан фойдаланган ҳолда қилган лойиҳаларингиз  ваъдани бажаришингизга ва уни ташлаб кетмаслигингизга ишонтиради.

Лекин бунда меъёрини билиш керак. Ҳаддан ташқари хира бўлманг ва бошқалар учун қарор қабул қилманг. Бу қарорнинг имкониятлари ва ижобий самараларига яхшироқ эътибор қаратинг.

3. Тўғри фурсатни танланг

Гаплашишда муваффақиятнинг яна бир гарови — тўғри фурсатни топиш. Бунинг учун сиз яна ўша одамни ўрганишингиз, унинг ҳаётини ва режимини таҳлил қилишингизга тўғри келади.

Масалан, ҳафтанинг бошида кўпчилик раҳбарларнинг ишлари кўп  бўлади, жума куни эса ўзларича ишлардан бироз узоқроқ бўлишади. Шунинг учун пайшанба куни уларни ишонтиришнинг қулай фурсати бўлиши мумкин.

4. Суҳбатдошингиз орқасидан фикрларини такрорланг

Оддий такрорлаш билан сиз суҳбатдошингизга уни тинглаётганингизни ва тушунаётганингизни кўрсатасиз. Бир вақтнинг ўзида сиз ўзингизнинг фикрингизни «Агар мен тўғри тушунган бўлсам, сиз буни А ва B лар сабабли муҳим деб ҳисоблайсиз. Мен буни эшитдим ва булар C ва D лар сабабли деб ўйлайман» деган иборалар билан ҳам билдиришингиз мумкин.

Манба: «Лайфхакер»