Оила ва иш – ҳаётимизнинг энг муҳим таркибий қисмлари ҳисобланади. Лекин кўпинча уларни муваффақиятли равишда бирга қўшиб олиб боришда бизнинг вақтимиз, кучимиз ва энергиямиз етмай қолади! Оила учун ҳам, иш учун ҳам вақт топиш учун нима қилиш керак?
Оилангиз билан ўтказадиган вақтингизни режалаштиринг
Бу жуда оддий ва осон бўлиб эшитилса ҳам, лекин оптимал жадвал тузишга ҳаракат қилишга тўғри келади. Бир кунлик режа тузишдан бошланг. Биринчи вақтлар иш ва уй билан боғлиқ ишларингизни 2—3 бандларга жойлаштиришга ҳаракат қилинг. Уларни албатта бажаринг!Ҳаётингизнинг турли соҳаларини ҳам бирга қўшиб олиб боринг
Албатта, оила ва иш биринчи даражали, лекин ҳаётингизнинг бошқа соҳаларини ҳам эсингиздан чиқарманг: ўзингиз ва соғлиғингиз тўғрисида ғамхўрлик қилиш, ижод қилиш, гўзаллик салонлари ва спорт заллари, дўстларингиз билан мулоқот қилиш ва бошқалар. Буларнинг ҳаммаси ҳам жуда муҳим ва уларни ҳеч қачон жадвалингиздан ўчириб ташламанг. Айнан улар сизга куч бағишлайди ва кайфиятингизни кўтаради.Мукаммал бўлишга уринишни бас қилинг
Ҳақиқатан ҳам, ҳеч кимга мукаммал болалар, ота-оналар ёки рафиқа керак эмас. Ҳамма ҳақиқий, самимий ва севувчи одамларга муҳтож бўлади. Улар сизнинг камчиликларингизни ва яхши томонларингизни жуда яхши билишади, шунинг учун тинчланинг ва хотиржам бўлинг.Ўз оилавий таомилларингизни жорий қилинг
Улар жуда оддий кўринса ҳам ёқимли бўлади: биргаликдаги нонушта ва кечки овқатланишлар, дам олиш кунлари сайр қилишлар, ухлашдан олдин суҳбатлашишлар. Буларнинг ҳаммаси яқинларингизнинг ишлари ва ҳиссиётлари ҳақида билишга имконият яратади.Манба: «Гармония жизни»
Изоҳ (0)