Агар ўз профессионал ўсишингиз ва молиявий аҳволингиздан қониқмаётган бўлсангиз, хитойлик миллиардер Жек Манинг сизга аталган маслаҳатлари бор.
Фото: CNBC
Ма – Alibaba Group’ни яратган ва қийинчиликларга қарамасдан кўпмиллиардли бойлик орттиришга муваффақ бўлган хитойлик тадбиркор. Иш ва молиявий ҳаётингизни бошқаришда Манинг маслаҳатларидан фойдаланишга тайёрмисиз?
Имконият ахтаринг
Имкониятни фақат атрофингиздан ахтарманг. Ўзингизнинг касбий ва молиявий фаолиятингизнинг барча икир-чикирларигача кўриб чиқинг.
Ҳар бир имконият — бу очиқ эшик
Ҳаддан ташқари кичкина ёки сизга тўғри келмайдиган имконият бўлмайди. Бирортаси сизга учраб қолса, уни қўлдан чиқарманг, ундан фойдаланишга бутун кучингизни ишга солинг. Катта муваффақият кичкина майда-чуйдалардан иборат бўлади.
Идрокли бўлинг
Ҳақиқий аҳволингизга ва нимага интилаётганингизга баҳо беринг. Нимага эришмоқчисиз? Нима учун? Мақсадингизга етиш учун сизга нималар керак?
Кечиктирмасдан ишга киришинг
Баъзан ҳақиқий пойгада қатнашишга ҳам тўғри келади. Муаммо шундаки, жиддий пойга — ҳар доим ҳам ҳаммадан олдинда югуриш эмаслигини кўпчилик тушунмайди. Ҳатто биринчи қаторда югуриш ҳам муваффақият олиб келиши мумкин. Имкониятни кўришингиз билан ишга киришинг.
Вазиятларга тақалиб қолманг
Ҳозирги аҳволингиз қандайлиги, қандай ва қаерда ўсганингиз ёки сизга қандай маълумот етишмаслиги муҳим эмас — ҳар қандай вазиятда ҳам ўзингиз танлаган фаолият доирасида сиз муваффақиятга эриша оласиз. Руҳан кучлилик, чидамлилик ва бардош — ҳаммасидан муҳим.
Диққатингизни мақсадга қаратинг
Мақсадингизга эришишга ҳаракат қилинг, диққатингизни тўпланг, йўлингизни мақсадга қаратинг ва бошқа томонга бурилманг.
Жасур бўлинг
Ма Alibaba Group’ни ташкил қилганда потенциал инвесторлар бу лойиҳанинг муваффақият қозонишига унчалик ишонмаган эди. Лекин Жек қўрқмади. Баъзан мақсадга эришиш учун жасур бўлиш лозим.
Изоҳ (0)