Ақлли одамлар ҳеч қачон йўл қўймайдиган 5 нарса

Биз ҳар қандай вазиятда ҳам хотиржамликни, руҳий осойишталикни сақлай биладиган ва ўзини йўқотиб қўймайдиган одамларга ҳавас қиламиз. Биз буни донолик деб атаймиз ва қачонлардир шундай бўлишимизга умид қиламиз.

Маълум бўлишича, буларнинг ҳаммаси хулқ-атворимиздаги бизнинг бахтли бўлишимизга ва олдинга қараб интилишимизга тўсқинлик қилувчи баъзи томонлардан ўзимизни четга олишни билишимизга боғлиқ экан.

1. Улар ўз кайфиятларини бузишга йўл қўймайди

Агар ўзингизга берган баҳонгиз ва кайфиятингиз бошқалар муҳитида қандай кўринишингизга боғлиқ бўлса, бу сизнинг бахтингиз ўзингизга тегишли эмаслигини билдиради. Ақлли одамлар ўз муваффақиятларидан қувонаётган бир пайтда, улар бу қувончнинг бошқалар томонидан сўндирилишига йўл қўймайди.

Бошқаларнинг нима қилиши ва нима деб ўйлаши муҳим эмас. Бу ўзингиз ҳақидаги фикрингизга ҳеч қандай таъсир қилмаслиги керак.

2. Улар унутмайди

Фаросатли одамлар хафагарчиликларни осон кечиради, лекин бу улар унутиб юборади дегани эмас. Кечириш – ёқимсиз ҳолатларни унутиб юборишни ва яшашда давом этишни билдиради. Лекин бу хафа қилувчи одамга иккинчи имконият берилди дегани эмас.

Ақлли одамлар бегона хатолар билан ўралашишни хоҳламайди, шунинг учун улар аввал кечиради, кейин эса улар келгусида ўзларини бундай вазиятлардан қутқариб қолиш учун кучайтирилган чораларни қўллайди.

3. Улар танк устига пичоқ билан бормайди

Ақлли одамлар ўзини асраш қанчалик муҳимлигини билади, чунки эртага янги кун ва янги жанг бошланади.

Низоли вазиятларда биз кўпинча ҳис-туйғуларимизни назорат қила олмаймиз ва бошимиз билан енгилишимиз аниқ кўриниб турган жанжалга киришиб кетамиз.

Ўз тўйғуларини тушунадиган ва бошқара оладиганлар қачон ўз гапида туриб олишни ва қандай жангларга аралашиш лозимлигини тўғри баҳолаш қобилиятига эга бўлади.

4. Улар муаммоларга ёпишиб олмайди

Сизнинг таъсирчан ҳолатингиз тўғридан-тўғри нима ҳақда ўйлаётганингизга боғлиқ. Сиз бутун диққат-эътиборингизни кундалик муаммоларга қарацангиз, салбий ҳиссиётлар ва стрессли ҳолатларга тушиб қоласиз. Ақлли ва фаросатли одамлар муаммоларнинг ўзи ҳақида эмас, балки уларни ҳал қилиш йўллари ҳақида ўйлаш кераклигини яхши билади.

5. Улар ўзлари хоҳламаган ишга розилик бермайди

Кўпчилик учун «йўқ» сўзини айтиш жуда қийин кечади. Шундай бўлса-да, бу қўрқмасдан фойдаланиш керак бўлган жуда кучли усул ҳисобланади. Янги мажбуриятни зиммангизга олишдан воз кечиш билан, сиз ўзингизда бор бўлганларини бажаришга имконият берган бўласиз.

Манба: «Лайфхакер»