Яшнобод туманида танишининг бошига болға билан урган шахс судланадиган бўлди

Яшнобод туман ИИБ ҲПБ профилактика инспекторлари томонидан туман ҳудудида танишининг бошига болға билан урган шахс қўлга олинди. Бу ҳақда «Дарё»га ИИВ Ҳуқуқбузарликлар профилактикаси бош бошқармаси хабар берди.

Яшнобод туманида 22 июль куни соат 10:00 да Авиасозлар 3-даҳасида яшовчи Ч.В. ўзаро жанжал оқибатида таниши, Мирзо Улуғбек туманида яшовчи А.Д.ни болға билан бош қисмига уриб, тан жароҳати етказганлиги аниқланиб, ушланди. Далилий ашё сифатида болға олинди.

Яшнобод туман ИИБ томонидан фуқаро Ч.В.га нисбатан Ўзбекистон Республикаси ЖКнинг 109-моддаси 2-қисми билан жиноят иши қўзғатилди. Тергов ҳаракатлари олиб борилмоқда.