Бухоро шаҳар ИИБга Бухоро шаҳрида яшовчи Н.Ражабова ариза билан мурожаат қилиб, 1991 йилда туғилган Б.Зухуров унга турмуш ўртоғи А.Шодиевнинг АҚШ давлатига ишлаш мақсадида бориши учун виза ҳужжатларини тўғрилаб беришни ваъда қилган ҳолда, унинг 3000 АҚШ доллари миқдоридаги пулини қўлга киритиб, ушбу пулларни ўз эҳтиёжига ишлатиб юборганлигини билдирган, деб хабар берди вилоят ИИБ матбуот хизмати.
Шунингдек, Б.Зухуров фуқаро Д.Гуламовага ўғли А.Бахшиллоевнинг Корея давлатига ишлаш мақсадида бориши учун виза ҳужжатларини тўғрилаб беришни ваъда қилиб, унинг 1300 АҚШ доллари миқдоридаги пулини олган.
Мазкур ҳолат юзасидан Б.Зухуровга нисбатан Ўзбекистон Республикаси Жиноят Кодексининг 168-моддаси 1 ва 2-қисмлари билан жиноят иши қўзғатилган.
Изоҳ (0)