АҚШ Шимолий Корея билан қуролли можарога тайёр туриши керак. Бу ҳақда АҚШ қуролли кучлар штаблари бошлиқлари бирлашган қўмитаси раҳбари Жозеф Данфорд маълум қилди, деб хабар беради «РБК».
«Кўпчилик ҳарбий чоралар ҳақида ‘ақл бовар қилмас’ деган иборани қўллаб гапиради. Мен буни ‘даҳшатли’ деб атаган бўлардим, чунки қурбонлар кўп бўлади. Шу даражадаки, Иккинчи жаҳон урушида омон қолганлар Корея ярим оролида қуролли можаро рўй берган тақдирда бўлгани каби қурбонларни кўрмаган бўлиб чиқади», — таъкидлади генерал.
Данфордга кўра, унинг учун КХДРга қарши ҳарбий куч ишлатиш «тасаввурга сиғмайдиган» чора эмас.
«Мен учун, масалан, Денверга, Колорадога ядро қуроли келиб тушишига йўл қўйиш тасаввур этиб бўлмайдиган ҳолат. Бундай бўлмаслиги учун ҳарбий операциялар ишлаб чиқиш эса бурчим ҳисобланади», — деди юқори мартабали мансабдор.
Изоҳ (0)