Франция аҳолисининг мамлакат президенти Эмманюэль Макронга ишонч даражаси бир ой давомида 10 фоизга пасайди ва бу мамлакат тарихидаги иккинчи энг ёмон натижа. Ifop маркази Journal du Dimanche ҳафталиги учун ўтказган сўров натижалари шундан далолат бермоқда, деб хабар беради «Газета.ru».
Июлда Макронга ишонч даражаси 54 фоизни ташкил этди. Июнь ойида бу кўрсаткич 64 фоиз эди. Бундай натижалар мудофаа бюджети миқдори атрофидаги можаро, шунингдек, аҳолининг сайловолди ваъдалари бажарилмаслигидан хавотири билан изоҳланмоқда.
Нашрга кўра, Франция президентига ишонч даражасининг энг кучли пасайиши 1995 йилда, ўша пайтдаги давлат раҳбари Жак Ширак мисолида қайд этилганди.
Изоҳ (0)