Nokia смартфонлари ишлаб чиқариш билан шуғулланадиган HMD Global компанияси раҳбариятдаги ўзгаришлар ҳақида маълум қилди. Бу ҳақда «Hi-tech.mail.ru» хабар бермоқда.
2016 йил май ойида, компания энди шаклланган пайт унинг раҳбари этиб тайинланган Арто Нуммела HMD Global бош директори лавозимини тарк этди. Унинг бошқаруви остида Nokia 6, 5, 3, янги Nokia 3310 ва бошқа бир неча тугмали телефонлар чиқарилди.
Шу пайтгача компания президенти бўлиб ишлаб келган Флориан Зайхе HMD Global бош директори этиб тайинланди. У Nokia’га 2013 йилда келиб қўшилган, унгача Тайваннинг HTC компаниясида Европа, Яқин Шарқ ва Африкадаги сотувлар бўйича президент бўлиб ишлаганди.
Изоҳ (0)