Nokia smartfonlari ishlab chiqarish bilan shug‘ullanadigan HMD Global kompaniyasi rahbariyatdagi o‘zgarishlar haqida ma’lum qildi. Bu haqda “Hi-tech.mail.ru” xabar bermoqda.
2016-yil may oyida, kompaniya endi shakllangan payt uning rahbari etib tayinlangan Arto Nummela HMD Global bosh direktori lavozimini tark etdi. Uning boshqaruvi ostida Nokia 6, 5, 3, yangi Nokia 3310 va boshqa bir necha tugmali telefonlar chiqarildi.
Shu paytgacha kompaniya prezidenti bo‘lib ishlab kelgan Florian Zayxe HMD Global bosh direktori etib tayinlandi. U Nokia’ga 2013-yilda kelib qo‘shilgan, ungacha Tayvanning HTC kompaniyasida Yevropa, Yaqin Sharq va Afrikadagi sotuvlar bo‘yicha prezident bo‘lib ishlagandi.
Izoh (0)