Андижон вилоятида фаолият кўрсатаётган 622 та қассобхонанинг барчасида бир килограмм гўшт 29 минг сўмдан сотиладиган бўлди. Бу ҳақда «Андижоннома» нашрига таянган ҳолда Uz24 хабар берди.
Қайд этилишича, вилоят ҳокими Шуҳратбек Абдураҳмонов «Боғи Бобур» дам олиш масканида соҳага алоқадор ташкилотлар раҳбарлари, шаҳар ва туман ҳокимлари, прокуратура, ички ишлар, солиқ идораларининг ходимлари ва қассоблар билан учрашув ўтказган. Унда гўшт ва гўшт маҳсулотларининг нархи асоссиз кўтарилаётганлиги муҳокама қилинган. Айни кунларда вилоят ҳудудида бир килограмм гўштнинг нархи 34 минг сўмга кўтарилганлиги айтилган. Асоссиз равишда нарх белгилаш аҳоли норозилигига сабаб бўлаётганлигига эътибор қаратилган, вазиятни барқарорлаштириш юзасидан мутасаддилар чора кўрмаётганлиги танқид остига олинган.
«Жараённи таҳлил қилиш мақсадида назорат тадбири ўтказилди. Унга кўра, бир килограмм гўштнинг энг мақбул нархи аниқланди. Муҳокамалар якунида вилоятда фаолият кўрсатаётган 622 та қассобхонанинг барчасида бир килограмм гўшт 29 минг сўмдан сотиладиган бўлди», дейилади нашр хабарида.
Изоҳ (0)