Ўзбекистон Республикаси Президенти Шавкат Мирзиёев Тошкент шаҳрида «Адолат саройи» комплексини барпо этиш чоралари тўғрисида фармойиш қабул қилди.
Фармойишда «Адолат саройи»ни қуришдан мақсад судлар очиқлиги ва шаффофлиги тамойилларига амал қилинишини таъминлаш, судларнинг ҳокимиятни мустақил бўғини сифатида обрўсини ошириш, аҳолининг одил судловга бўлган ишончини мустаҳкамлаш, шунингдек, судлар фаолиятида ахборот-коммуникация технологияларидан фойдаланишни янада кенгайтиришдан иборат эканлиги билдирилган.
Мазкур комплексда Судьялар олий кенгаши, Конституциявий суд, Олий суд, Суд муаммоларини ўрганиш тадқиқот маркази, Судлар фаолиятини таъминлаш департаменти, Ўзбекистон судлар ассоциацияси ва янги ташкил этиладиган Ўзбекистон Республикаси ҳуқуқ академияси биноси жойлашиши кўзда тутилган.
Бадиий академияга Ўзбекистон Олий суди билан биргаликда бир ой муддатда комплекс ҳудудида ўрнатиш учун буюк давлат арбоби Амир Темур ҳайкалини яратиш бўйича танлов эълон қилиш ва ўтказиш топширилди.
Изоҳ (0)