Сомали ҳудудида 3 ҳафтадан ошиқ давом этган интернетдан узилиш мамлакатга кунига 10 миллион долларга тушди. Бу ҳақда «РИА Новости» хабар бермоқда.
Интернет узилишидан Сомалининг марказий ва жанубий қисми, жумладан, пойтахт Могадишо энг кўп жабр чекди. Кўплаб давлат ва банк операциялари амалга оширилмади, ОАВ ва ўқув муассасалари фаолиятига путур етди. Ҳукумат эса юз берган ҳолатни «йирик фалокат» деб атади.
Аll Аfrica нашрига кўра, мамлакатда интернет ишламай қолишига Могадишога юк олиб келган MSC Alice кемаси сув ости оптик толали кабелини шикастлаши сабаб бўлди.
Мазкур ҳодиса туфайли кема ва унинг экипажи қўлга олинди. Ҳукумат MSC Alice тегишли бўлган компаниядан товон талаб қилиши билдирилмоқда.
Изоҳ (0)