Google мамлакатда доимий ваколатхонага эга бўлмагани сабабли Францияда 2005—2010 йиллари сотувдан солиқларни қонуний асосда тўламаганини судда исботлаб берди. Бу ҳақда TJournal хабар бермоқда.
Париж суди компания ўз даромадларини Ирландиядаги штаб-квартираси ҳисобига киритиб, қонунларни бузмаганлиги ҳақида қарор қабул қилди. Шу тариқа Google Францияда 1,3 миллиард доллар қўшимча солиқ тўламайдиган бўлди.
Судьялар бошқа мамлакатда жойлашган Google Ireland Францияда ваколатхонаси бўлган бошқа компаниялар каби солиққа тортилмаслиги ҳақида бир қарорга келди.
Bloomberg манбаларига кўра, Франция прокуратураси компания чиндан ҳам тўлақонли маҳаллий филиалга эга эмаслигини аниқлаш учун Alphabet (Google тегишли бўлган компания) офисига рейд уюштирди. Операция тўлиқ махфийлик тартибида тайёрланди, бироқ якунда гумонлар тасдиғини топмади.
Изоҳ (0)