Facebook Messenger’да «Тахтлар ўйини» сериалининг олдинги 6 мавсуми воқеалари ҳақида ҳикоя қилувчи чат-бот пайдо бўлди. Бу ҳақда Daily Afisha ҳикоя қилмоқда.
Унда фойдаланувчилар ҳар бир қаҳрамон билан яқиндан танишиши, у тирик ёки ўлган эканлиги ҳақида маълумотга эга бўлиши мумкин.
Чат-ботни сериалнинг еттинчи мавсуми арафасида Лондоннинг Catch креатив агентлиги ишлаб чиқди. Бот сериалнинг барча ҳодисалари ҳақида gif’лар, видеолавҳалар ёрдамида ҳикоя қилади, трейлерлар, қўшимча материаллар жўнатади, ҳатто ҳазиллашади ҳам.
Эслатиб ўтамиз, «Тахтлар ўйини» сериалининг 7-мавсуми премьераси 16 июль куни бўлиб ўтади.
Изоҳ (0)