Андижонда уйида наша етиштирган фуқаро аниқланди

Андижон вилоятида ҳуқуқни муҳофаза қилувчи органлар билан ҳамкорликда ўтказилган кенг қамровли тезкор-профилактик тадбирлар давомида Андижон тумани Бўтақора қишлоғида яшовчи фуқаро ўз уйида наша ўсмлиги ўстираётгани аниқланди. Бу ҳақда Андижон вилояти ИИБ хабар берди.

Ўз яшаш уйида саккиз туп наша ўсимлигини экиб етиштираётган фуқаро билан олиб борилган тезкор профилактик суҳбат натижасида унинг уйида бир дона бир литрли идишда жами оғирлиги 54,28 граммни ташкил қилган марихуана гиёҳвандлик моддаси борлиги аниқланган ва ички ишлар бўлими ходимлари томонидан ашёвий далил сифатида олинган.

Мазкур ҳолат юзасидан Андижон туман ИИБ томонидан текширув ҳаракатлари олиб борилмоқда.