Италиянинг «Лацио» клуби сардори Лукас Билья фаолиятини «Милан»да давом эттиради. Бу ҳақда «россонерилар» расмий сайти хабар берди.
«Лацио» билан шартномаси 2018 йилнинг ёзида якунига етадиган аргентиналик футболчи уни чўзишни истамади. Фурсатдан фойдаланиб қолган миланликлар эса Бильяни 17 миллион евро эвазига сотиб олди. Унинг ўйинлари ва «Милан»га тегадиган фойдаси римликлар ҳисоб рақамини кейинроқ яна 3 миллион еврога бойитиши мумкин.
«Милан» ҳамда Лукас Билья ўртасида 3 йиллик битим имзоланди. Ярим ҳимоячи янги жамоасида 2020 йил охирига қадар тўп тепади.
31 ёшли футболчи А сериянинг якунига етган мавсумида «Лацио» учун 34 та ўйинда майдонга тушиб, 5 та гол урган ва 4 та голли узатмани амалга оширганди.
Изоҳ (0)