ИШИД террорчи гуруҳи раҳбари Абу Бакр ал-Бағдодий тирик ва у Сурия ҳудудида яширинмоқда. Бу ҳақда Ироқ ИИВ разведка ва контртеррор операциялари хизмати директори Абу Али ал-Басрий баёнот берди, деб хабар қилади «ТАСС».
11 июль куни Ироқ матбуотида жангариларнинг ўзи ал-Бағдодийнинг ўлимини тасдиқлагани ҳақида хабарлар тарқалган эди. Унга қадар бирор расмий манба ИШИД етакчисининг ўлимини тасдиқламаган эди.
Шунга қарамай, Ироқ разведкасидаги маълумотларига қараганда, ал-Бағдодий тирик бўлиб, Сурия ҳудудида бекиниб юрибди, ўзининг ўлими ҳақидаги маълумотларни эса хавфсизлик мақсадида тарқатган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)