АҚШ суғурта соҳасидаги жиноятлар бўйича миллий бюроси (NICB) 2016 йилда автомобилларнинг ўғрилаб кетилиши статистикасини эълон қилди. Бу ҳақда «Мотор» хабар бермоқда.
Мамлакатдаги энг кўп олиб қочиладиган машиналар Хонданинг эски моделлари, жумладан, 1997 йилги Accord ва 1998 йилда чиқарилган Civic бўлди. Мазкур модификацияларга 15 мингга яқин ўғирлик тўғри келди.
Улар умумий рўйхатда ҳам пешқадамлик қилмоқда: Accord ва Civic’нинг барча йиллардаги моделларидан тахминан 50 мингтадан олиб қочилган. Топ-учликни Ford пикаплари якунлаб берди (32 721).
Шунингдек, «нуфузли» ўнликка Chevrolet пикаплари (31 238), Toyota Camry (16 732), Nissan Altima (12 221), Dodge пикаплари (12 128), Toyota Corolla (11 989), Chevrolet Impala (9 749) ва Jeep Cherokee/Grand Cherokee (9 245) ҳам кирди.
Жиноятчилар ўртасида эски автомобиллар машҳурлигини NICB уларнинг олиб қочишга қарши замонавий тизимларга эга эмаслиги билан изоҳлади. Шунингдек, эски машиналар кўпинча эҳтиёт қисмларга ажратилади.
АҚШда ўтган йили жами 757 850 машина ўғриланди. Бу 2015 йилга нисбатан 7 фоизга кўп.
Изоҳ (0)