Тошкент шаҳрида 11 июль куни 8 та йўл-транспорт ҳодисаси қайд этилди. Тошкент шаҳар ИИББ матбуот хизмати ахборотига кўра, мазкур авариялар оқибатида 9 киши тан жароҳати олган, бир киши вафот этган.
11 июль куни йўл-патруль хизмати инспекторлари томонидан жами 1 722 та ҳуқуқбузарликлар бўйича маъмурий баённомалар расмийлаштирилган бўлиб, шулардан 462 тасини қўпол турдаги, 26 тасини маст ҳолда транспорт воситасини бошқариш ҳолатлари ташкил этган.
Тошкент шаҳар ИИББ Йўл ҳаракати хавфсизлиги бошқармаси компьютерлаштирилган бошқарув тизими томонидан 11 июль куни жами 877 та ҳуқуқбузарликлар қайд этилган бўлиб, шулардан 433 тасини светофорнинг тақиқловчи чироғига бўйсинмасдан ҳаракатланиш, 444 тасини белгиланган меъёрдан юқори тезликда ҳаракатланиш ташкил этади.
Изоҳ (0)