Америкалик режиссёр Квентин Тарантино серияли қотил Чарльз Мэнсон ҳақида фильм олишни режалаштирмоқда. Унинг сценарийси тайёр, деб хабар беради «Корреспондент.net».
Тарантино съёмка жараёнига юлдузли таркибни жалб қилишни режалаштирмоқда, аммо актёрлар ҳали аниқланмаган.
Қотилнинг қурбонларидан бири — актриса Шэрон Тейт образини экранда Марго Робби жонлантириши мумкинлиги айтилмоқда. Менсон ролини эса Сэмюель Л. Жексон ижро этиши мумкин.
Детектив образида Брэд Питт чиқиши кутилмоқда. Роллардан яна бири Женнифер Лоуренсга тегишли эканлиги айтилмоқда.
Чарльз Мэнсон АҚШ тарихидаги энг машҳур серияли қотилдир. У 1969 йили «Оила» коммунаси аъзолари билан бирга Лос-Анжелесдаги уйлардан бирига бостириб кириб, кинорежиссёр Роман Поланскининг рафиқаси, актриса Шэрон Тейтни ўлдирган. Шунингдек, у актрисанинг тўрт ўртоғини ўлдирган.
Изоҳ (0)