Украинанинг собиқ президенти Виктор Янукович Украиндаги давлатга хиёнат иши бўйича суд жараёнида иштирок этишни истамаслиги ва суддан адвокатларини чақириб олишини маълум қилди. Бу ҳақда «Корреспондент.net» хабар бермоқда.
«Бу суд эмас, аксинча, унинг таҳқирланиши. Менга қора чаплаш учун шахсан Порошенконинг босими остида қисқа муддатда сиртдан ҳукм ҳақидаги махсус қонунлар қабул қилинди. Бу инсон ҳуқуқлари тўғрисидаги Европа конвенциясининг тўғридан тўғри бузилиши ҳисобланади. Қолаверса, суд жараёнда видеоконференция тартибида иштирок этишга рухсат бериш ҳақидаги илтимосимга рад жавоб берилди», — деди собиқ президент.
Янукович Украина расмийлари ҳар қандай йўл билан уни «мамлакатнинг ўтмишдаги, ҳозирдаги ва бўлажак кулфатларида» айблашга ҳаракат қилишини билдирди.
Украина собиқ президенти адвокати Виталий Сердюк Янукович судда қатнашишни истамаганидан ва адвокатларини чақириб олганидан сўнг Киевнинг Оболонск туман суди чиқарган ҳар қандай қарор юридик жиҳатдан қийматга эга бўлмаслигини маълум қилди.
Изоҳ (0)