Донецк яқинида Malaysia Airlines авиакомпаниясининг Boeing 777 самолёти ҳалокатга учрашида гумонланувчилар устидан суд мазкур фожиада энг кўп фуқароларини йўқотган Нидерландияда бўлиб ўтади. Бу ҳақда «Ведомости» хабар бермоқда.
Мазкур қарор ҳалокат тафсилотларини текшираётган қўшма тергов гуруҳи фаолиятида иштирок этаётган Нидерландия, Австралия, Бельгия, Малайзия ва Украина вакиллари томонидан қабул қилинди.
Суд жараёнининг бошланиш санаси маълум эмас. Самолёт ҳалокати билан боғлиқ тергов давом этмоқда. Гумонланувчиларнинг шахси ҳам ҳозиргача ошкор этилмади.
Амстердамдан Куала-Лумпурга йўл олган Boeing 777 2014 йил 17 июлида Донецк вилоятида уриб туширилганди. Унинг бортида бўлган барча 298 киши, жумладан, Нидерландиянинг 196 нафар фуқароси ҳалок бўлди.
Изоҳ (0)