Қозоғистон президенти Нурсултон Назарбоев Остона аэропортига унинг номи қўйилганига изоҳ берди. Бу ҳақда «Казинформ» маълум қилди.
«Бу менинг ташаббусим эмас. Мен доим бунга қарши бўлганман. Кишилар амалга оширилаётган ишларимизни баҳолаётган бўлса керак, бу учун улардан миннатдорман. Исталган сиёсатчи, давлат етакчиси тарихда ўз ишлари билан қолиши лозим.
Буюк файласуф ва Рим императори Марк Аврелийнинг ‘Нега энди ҳозиргача сенга ёдгорлик қўйилмаган’ деган саволга жавобини кўп эслайман. У ‘одамлар бу кимнинг ёдгорлиги деб сўрашларини истамайман. Яхшиси, нега энди унга шу пайтгача ёдгорлик қўйилмаган, деб таажубланишсин’, дея жавоб берганди», — таъкидлади Нурсултон Назарбоев.
Эслатиб ўтамиз, Қозоғистон бош вазири Бакитжан Сагинтаев Остона аэропорти номини мамлакат раҳбари Нурсултон Назарбоев номига ўзгартириш тўғрисидаги ҳукумат қарорига имзо чекди.
Изоҳ (0)