Айрим қушлар сигарета қолдиқларидан паразитларни чўчитиш учун фойдаланмоқда. Мексикалик тадқиқотчилар томонидан Journal of Avian Biology журналида чоп этилган мақолада шу ҳақда сўз боради, дея маълум қилди «РИА Новости».
Мексика миллий автоном университети олимлари Константино Гарсия ва Монсеррат Суарез-Родригез бундан 5 йил аввал қушлар, хусусан, қизилбош чумчуқлар кўпинча сигарета қолдиқларини териб, уясига ташишига эътибор қаратди.
Тадқиқотчилар никотин кана ва бошқа қон сўрувчи ҳашаротларни чўчитгани учун сигарета қолдиқлари қушларни ўзига жалб этиши ҳақидаги хулосага келди.
Биз улар кана ва бошқа паразитлар пайдо бўлганида инларини сигарета қолдиқлари билан безашга мойил эканлигини аниқладик. Агар каналар уяларида ўлик эмас, тирик бўлса, қолдиқларни кўпроқ топиш ва олиб келишга уринганини кузатиш мумкин. Бу мисоллар улар сигареталардан каналарни йўқотишда фойдаланишидан далолат бермоқда.Константино Гарсия, Мексика миллий автоном университети олими
Изоҳ (0)