Зимбабве президенти Роберт Мугабе Африка иттифоқига миллион доллар хайрия қилиш учун ўзига тегишли молларни сотди. Бу ҳақда «РИА Новости» хабар бермоқда.
«Африкалик ва фермер бўлганим учун менга молларни эҳсон қилиш табиий: қитъамиз уларга бой, чорва даромад орттириш воситаси ҳисобланади», — деди Мугабе Африка иттифоқи саммитидаги чиқиши чоғида.
Иттифоқ вакилига кўра, Мугабе аввалига ташкилотга сигирларнинг ўзини таклиф этди. Бироқ уларни Аддис-Абебадаги штаб-квартирада сақлаб туриш муаммо бўлгани туфайли 300 бош молни аукционда сотиб юборди.
Изоҳ (0)