Португалия терма жамоаси Конфедерациялар кубогининг финалига чиқа олмагач, Криштиану Роналду Россияни тарк этди ва янги туғилган эгизак фарзандларини кўришга ошиқди, деб ёзди «Риа Новости».
8 июнь куни суррогат она Роналду учун эгизак фарзандлар туғиб берган бўлиб, Криштиану бир ўғил ва бир қизга Мэтью ҳамда Ева деб исм берганди. Бугун тунда у жажжи фарзандларининг суратини оммага ошкор қилди. 10 соат ичида чақалоқлар сурати 6 миллионга яқин лайк тўплаб улгурди.
Қийин мавсумни ўтказган, «Реал» билан Испания Ла лигаси ва Европа Чемпионлар лигасида зафар қучган, шу билан Конфедерациялар кубоги арафасида Португалия сафига қўшилган футболчи кўринишидан энди бироз дам олади. У Португалиянинг 2 июль куни Мексикага қарши бўлиб ўтадиган ўйинида майдонга тушмайди.
Изоҳ (0)