Ўзбекистон Президенти Шавкат Мирзиёев 27 июнь куни «Электр энергияси ва табиий газни назорат қилиш ва ҳисоблашнинг автоматлаштирилган тизимини янада жорий этиш бўйича таклифларни тайёрлаш чора-тадбирлари тўғрисида» фармойиш имзолади.
Унга мувофиқ, Ўзбекистонда электр энергияси ва табиий газни назорат қилиш ва ҳисоблашнинг автоматлаштирилган тизимини жорий этиш бўйича таклифларни тайёрлаш билан шуғулланувчи ишчи комиссия тузилади. Комиссияга Бош вазир ўринбосари Жамшид Қўчқоров раҳбарлик қилади.
Комиссия хориж тажрибасини ўрганиб, ҳисоблашнинг ягона тизимга интеграция қилинадиган автоматлаштирилган тизимлари ва асбобларининг ягона норматив-техник талаблари, давлат стандартларини белгилаш бўйича таклифларни ишлаб чиқади.
Ўрганиш натижалари асосида Ўзбекистонда автоматлаштирилган тизимларни жорий қилиш концепциясини ишлаб чиқиш режалаштирилмоқда.
Ўзбекистон раҳбарияти электр энергияси ва газни ҳисоблаш замонавий электрон асбобларини, уларга боғлиқ ускуна ва дастурий маҳсулотларни чет эллик шериклар иштирокида ишлаб чиқаришни маҳаллийлаштириш бўйича лойиҳаларни амалга оширишни режалаштирмоқда.
Изоҳ (0)